رمضان المبارک کے بابرکت مہینے میں شہریوں کی عبادات کے تحفظ اور ضلع بھر میں امن و امان کو یقینی بنانے کے لیے اٹک پولیس نے تمام مساجد میں نماز تراویح کے دوران فول پروف سیکیورٹی فراہم کی ہے، ڈسٹرکٹ پولیس آفیسر اٹک سردار موارہن خان کی نگرانی میں، ایلیٹ فورس اور مقامی پولیس اسٹیشنز کی ٹیمیں مساجد کے داخلی و خارجی راستوں پر چیکنگ کر رہی ہیں اور مشکوک سرگرمیوں پر مسلسل نظر رکھے ہوئے ہیں۔
اس موقع پر ڈی پی او اٹک سردار موارہن خان نے کہا کہ ماہ رمضان کی روح کو مدنظر رکھتے ہوئے ہمارا اولین مقصد عبادت گزاروں کی حفاظت اور امن قائم رکھنا ہے۔