ڈپٹی کمشنر اٹک راؤ عاطف رضا نے کہا ہے کہ ضلع اٹک کے کہ خصوصی افراد کی بحالی کے لیے اقدامات کیے جا رہے ہیں

ڈپٹی کمشنر اٹک راؤ عاطف رضا نے کہا ہے کہ ضلع اٹک کے کہ خصوصی افراد کی بحالی کے لیے اقدامات کیے جا رہے ہیں۔انہوں نے ان خیالات کا اظہار گورنمنٹ اسفند یار بخاری ڈسٹرکٹ ہسپتال میں خصوصی بچوں میں ویل چیئرز تقسیم کرنے کی تقریب سے خطاب کرتے ہوئے کیا۔اس موقع پر ایم ایس گورنمنٹ اسفند یار بخاری ڈسٹرکٹ ہسپتال ڈاکٹر جواد الہی،این سی ایچ ڈی کے ڈسٹرکٹ مینجر شہزاد ہاشمی،میڈیکل سوشل ویلفیئر آفیسرمحمد زبیراور دیگر متعلقہ افراد بھی موجود تھے تقریب میں ڈپٹی کمشنر اٹک کی جانب سے کی جانب سے میں خصوصی بچوں میں ویل چیئرز کی تقسیم کی گئی۔اس موقع پر خطاب کرتے ہوئے ڈی سی اٹک راؤ عاطف رضا نے کہا کہ نے خطاب کرتے ہوئے خصوصی بچوں کی بحالی اور انہیں معاشرے کا فعال فرد بنانے کے عزم کا اظہار کیا۔انہوں نے اپنے خطاب میں کہا کہ خصوصی بچوں کی کفالت اور معاونت ہم سب کی اجتماعی ذمہ داری ہے اور ضلعی انتظامیہ ایسے فلاحی اقدامات کی بھرپور سرپرستی جاری رکھے گی۔

تقریب کے دوران 50 خصوصی بچوں میں کسٹمائز ویل چیئرز تقسیم کی گئیں۔ یہ پروگرام کا دوسرا مرحلہ تھا، جبکہ پہلے مرحلے میں 350 ویل چیئرز خصوصی بچوں میں تقسیم کی جا چکی ہیں۔اس موقع پر این جی او کے نمائندگان، غیر ملکی مہمانانِ گرامی اور متعلقہ افسران بھی موجود تھے۔ شرکاء نے اس اقدام کو خصوصی بچوں کی زندگی میں مثبت تبدیلی کی جانب اہم پیش رفت قرار دیا۔ڈپٹی کمشنر نے این جی او کے تعاون کو سراہتے ہوئے کہا کہ سرکاری و نجی اداروں کے باہمی اشتراک سے ہی معاشرتی فلاح و بہبود کے اہداف حاصل کیے جا سکتے ہیں۔