ڈی آئی خان. ٹانک روڈ پر پیٹرول پمپ نذرِ آتش، نامعلوم مسلح افراد فرار

ڈی آئی خان: ٹانک ڈی آئی خان روڈ پر پوٹہ گاؤں کے قریب واقع واوا فلنگ اسٹیشن کو نامعلوم افراد نے آگ لگا دی، جس کے باعث پیٹرول پمپ مکمل طور پر شعلوں کی لپیٹ میں آ گیا؛ مقامی ذرائع کے مطابق 30 سے 40 مسلح افراد پیٹرول پمپ پر آئے، آگ لگانے سے قبل اسٹاف کو رسیوں سے باندھا اور کارروائی کے بعد فرار ہو گئے، واقعے کی اطلاع ملتے ہی ریسکیو ٹیمیں موقع پر پہنچ گئیں جنہوں نے بروقت کارروائی کرتے ہوئے پیٹرول پمپ کے کچھ حصے کو جلنے سے بچا لیا، تاہم آگ سے بھاری مالی نقصان ہوا؛ بتایا گیا ہے کہ یہ پیٹرول پمپ وانا ویلفیئر آرگنائزیشن کی انتظامیہ کے تحت چل رہا تھا اور اس سے غریب طلبہ کا مستقبل وابستہ تھا، جس پر اہلِ علاقہ نے شدید افسوس کا اظہار کیا ہے، جبکہ پولیس نے واقعے کی تحقیقات شروع کر دی ہیں۔