وزیرِ اعلیٰ پنجاب مریم نواز شریف کی ہدایت پر عوام کو حفظانِ صحت کے اصولوں کے مطابق معیاری خوراک کی فراہمی یقینی بنانے کے لیے سخت اقدامات جاری ہیں۔ اسی سلسلے میں پنجاب فوڈ اتھارٹی اٹک نے ناقص گوشت کے خلاف بڑی کارروائی کرتے ہوئے 1800 کلو مردہ مرغیوں سے بھری گاڑی پکڑ لی، جسے موقع پر تلف کر دیا گیا۔
تفصیلات کے مطابق کارروائی خفیہ اطلاعات اور طویل ریکی کے بعد عمل میں لائی گئی۔ مردہ مرغیوں کو ٹرانسپورٹ کرنے والی گاڑی اور ملزم دونوں کو پولیس کی تحویل میں دے دیا گیا ہے، جبکہ ملزمان کے خلاف تھانے میں مقدمہ درج کر لیا گیا۔
ابتدائی تحقیقات میں انکشاف ہوا کہ ضبط کی گئی مردہ مرغیاں ہوٹلوں میں سپلائی کی جانی تھیں اور ان کا کوئی ریکارڈ موجود نہیں تھا۔ صوبے بھر میں مردہ مرغیوں کے گوشت کی سپلائی کے خلاف کریک ڈاؤن جاری ہے۔
پنجاب فوڈ اتھارٹی نے شہریوں کو ہدایت کی ہے کہ پہلے سے ذبح شدہ مرغیاں خریدنے سے گریز کریں اور اپنی موجودگی میں مرغی ذبح کروائیں۔ کسی بھی شکایت کی صورت میں ہیلپ لائن 1223 پر فوری رابطہ کریں۔
اٹک۔ناقص گوشت کے خلاف کریک ڈاؤن: 1800 کلو مردہ مرغیاں برآمد، موقع پر تلف
BySyed Inam Ali Kazmi
Jan 18, 2026
By Syed Inam Ali Kazmi
میرا نام سید انعام علی کاظمی صحافتی میدان میں 2003 سے منسلک ہوں میں نے مختلف اخبارات کے ساتھ کام کیا اور گزشتہ 17-18 سال سے پاکستان کے ایک بڑے سرکاری ٹی وی چینل سے منسلک ہوں میرےتجربے میں مختلف موضوعات پر نیوز رپورٹنگ، بے شمار رپورٹس کی تیاری، اور پاکستان کی معروف سیاسی شخصیات کے انٹرویوز شامل ہیں۔ میرا تعلق ایک پڑھے لکھے خاندان سے ہے میرے والد پاکستان آرمی کے ریٹائرڈ میجر ہیں، اور والدہ بھی بہت زیادہ تعلیم یافتہ تھیں۔ علاوہ ازیں، میں روزانہ کی بنیاد پر مختلف موضوعات پر عوامی رائے اور معاشرتی مسائل پر ولاگ بناتا ہوں اور اپنا یوٹیوب چینل "انعام کاظمی ولاگ" اور ایک ٹک ٹاک اکاونٹ بھی ہے جہاں میں دلچسپ مواد شیئر کرتا ہوں