اسلام آباد . وزیرِ اعلیٰ خیبرپختونخوا محمد سہیل آفریدی 3 روزہ دورے کے لیے آج صبح اسلام آباد ایئرپورٹ پہنچ گئے جہاں سے وہ کراچی کے لیے روانہ ہوئے۔وزیراعلیٰ سہیل آفریدی نے ایئرپورٹ پر کسی رسمی پروٹوکول کے بغیر عام مسافروں کی طرح لاؤنج میں سوار ہو کر اپنی پرواز اختیار کی، جس کے باعث شہریوں اور مسافروں نے ان کے ساتھ سیلفیاں بھی بنائیں اور ان کے ساتھ تصاویر لینے کا موقع ملا۔
ایئرپورٹ پر وزیراعلیٰ کے ہمراہ صوبائی کابینہ اراکین اور خیبرپختونخوا سے منتخب شدہ اراکینِ قومی و صوبائی اسمبلی بھی موجود تھے۔ دورے کے دوران وزیراعلیٰ سہیل آفریدی سندھ کی سیاسی قیادت، مختلف وکلاء، تاجر تنظیموں، میڈیا اور دیگر سماجی حلقوں سے ملاقاتیں کریں گے۔ اس دورے میں وہ متعدد سرکاری و عوامی مصروفیات بھی انجام دیں گے جن کا مقصد صوبے کے مشترکہ تعلقات، سرمایہ کاری اور عوامی مفاد کے امور پر تبادلۂ خیال ہے۔
تاہم روانگی کے وقت پرواز کی تاخیر سے متعلق عوامی حلقوں میں مختلف تاثر سامنے آیا، جہاں ابتدا میں وزیراعلیٰ کی روانگی 9 بجے مقرر تھی، پھر 10 بجے بتایا گیا، اور بعد ازاں یہ کہا گیا کہ روانگی 12:35 پر ہوگی۔ اس تاخیر پر بعض حلقوں نے الزام بھی لگایا کہ وزیراعلیٰ کی فلائٹ کو لیٹ کیا جا رہا ہے۔
وزیراعلیٰ سہیل آفریدی کا کہنا تھا کہ یہ تاخیر معمول کی ہے تاہم وہ جلد ہی کراچی پہنچ کر اپنے شیڈول کے مطابق ملاقاتیں اور پروگرام جاری رکھیں گے