وزیرِاعلیٰ پنجاب کے ویژن اور انسپکٹر جنرل آف پولیس پنجاب کی ہدایات کی روشنی میں ڈسٹرکٹ پولیس آفیسر اٹک سردار موارہن خان کی قیادت میں اٹک پولیس نے رمضان المبارک میں ضلع بھر کے بازاروں اور عوامی مقامات پر خواتین کے تحفظ کو یقینی بنانے کے لیے مؤثر، جامع اور مربوط سیکیورٹی انتظامات کیے ہیں۔
تفصیلات کے مطابق خواتین کو باعزت، محفوظ اور پُرامن ماحول فراہم کرنے کے لیے مختلف بازاروں اور رش والی عوامی جگہوں پر خصوصی پولیس اسکواڈ تعینات کیے گئے ہیں۔ یہ اسکواڈ نہ صرف مسلسل گشت کر رہے ہیں بلکہ خواتین کی فوری مدد، رہنمائی اور کسی بھی ممکنہ ناخوشگوار صورتحال سے بروقت نمٹنے کے لیے ہمہ وقت تیار ہیں۔
اس موقع پر ڈسٹرکٹ پولیس آفیسر اٹک سردار موارہن خان نے کہا کہ خواتین کے تحفظ کو یقینی بنانا اٹک پولیس کی اولین ترجیح ہے۔ خواتین کے ساتھ کسی بھی قسم کی ہراسانی، بدسلوکی یا ناخوشگوار واقعے کی صورت میں شہری بلا جھجک فوری طور پر پولیس ہیلپ لائن 15 پر رابطہ کریں یا پنجاب پولیس سیف سٹی ایپ کے ذریعے اطلاع دیں۔