تفتان
اہلیانِ تفتان کی جانب سے پاک فوج سے اظہارِ یکجہتی کے لیے ایک بھرپور کار ریلی نکالی گئی۔ ریلی کا آغاز سیندک کراس سے ہوا جو مختلف شاہراہوں سے گزرتی ہوئی تفتان بازار کے مین چورنگی پر ایک بڑے عوامی اجتماع کی شکل اختیار کر گئی۔اس کار ریلی میں اہلیانِ تفتان کے علاوہ سول سوسائٹی، طلباء، انجمن تاجران اور تفتان ٹرانسپورٹ یونین کے عہدیداران نے بڑی تعداد میں شرکت کی۔ شرکاء نے ہاتھوں میں قومی پرچم اٹھا رکھے تھے جبکہ ریلی میں 20 میٹر طویل قومی پرچم خصوصی توجہ کا مرکز بنا رہا مین چورنگی پر قبائلی معتبرین اور مقررین نے خطاب کرتے ہوئے پاک فوج اور پاکستان کے حق میں فلک شگاف نعرے لگائے۔ مقررین کا کہنا تھا کہ اہلیانِ تفتان ایک امن پسند قوم ہیں اور ہر مشکل گھڑی میں پاک فوج اور وطنِ عزیز پاکستان کے ساتھ کھڑے ہیں۔ انہوں نے واضح کیا کہ پاکستان یا پاک فوج کے خلاف کسی بھی قسم کی بات یا سازش کو ہرگز برداشت نہیں کیا جائے گا اور عوام ہر حال میں اپنی افواج کے شانہ بشانہ رہیں گے۔ریلی کے دوران امن و امان کی صورتحال کو برقرار رکھنے کے لیے تفتان پولیس نے بھرپور سیکیورٹی کے فرائض سرانجام دیے، جس کی بدولت پروگرام پرامن طور پر اختتام پذیر ہوا۔ریلی کا مقصد پاک فوج سے یکجہتی، ملکی سالمیت کے عزم اور قومی اتحاد کا بھرپور پیغام دینا تھا، جس میں اہلیانِ تفتان نے بھرپور انداز میں اپنی حب الوطنی کا مظاہرہ کیا۔