تفصیلات کے مطابق ڈسٹرکٹ پولیس آفیسر اٹک سردار موارہن خان کی زیرِ صدارت ڈی پی او آفس اٹک میں ڈسٹرکٹ انٹیلیجنس کوآرڈینیشن کمیٹی (DICC) کی میٹنگ کا انعقاد کیا گیا، میٹنگ میں ایڈیشنل ڈپٹی کمشنر اٹک انیل سعید سمیت پولیس، ضلعی انتظامیہ اور حساس اداروں کے افسران نے شرکت کی، میٹنگ کے دوران ضلع میں امن و امان کی مجموعی صورتحال کا تفصیلی جائزہ لیا گیا جبکہ موجودہ سیکیورٹی خدشات کے پیشِ نظر پیشگی حفاظتی اقدامات اور مؤثر حکمتِ عملی پر تبادلۂ خیال کیا گیا۔
اس موقع پر ڈی پی او اٹک سردار موارہن خان نے کہا کہ ضلع میں امن و امان کے قیام کے لیے انٹیلیجنس بیسڈ کوآرڈینیشن نہایت اہمیت کی حامل ہے۔ انہوں نے تمام اداروں کو ہدایت کی کہ بروقت اور مؤثر معلومات کا تبادلہ یقینی بنایا جائے تاکہ کسی بھی ناخوشگوار واقعہ سے قبل مؤثر کاروائی عمل میں لائی جا سکے۔