اٹک: گورنمنٹ کالج آف ٹیکنالوجی میں دو روزہ اسپرنگ اینڈ سائنس فیسٹیول کا انعقاد

وزیر اعلیٰ پنجاب کے وژن کے مطابق صوبہ بھر میں ہنر پر مبنی تعلیم کے فروغ کے لیے گورنمنٹ کالج آف ٹیکنالوجی، اٹک میں 2 اور 3 فروری 2026 کو اسپرنگ اینڈ سائنس فیسٹیول کا انعقاد کیا گیا۔تقریب کا افتتاح ایڈیشنل ڈپٹی کمشنر (جنرل) اٹک انیل سعید نے کیا۔ اس موقع پر انہوں نے طلبہ کے سائنسی اور تکنیکی منصوبوں کا معائنہ کیا اور طلبہ کی تخلیقی صلاحیتوں کو سراہتے ہوئے ان کی حوصلہ افزائی کی۔ انہوں نے کہا کہ اس قسم کی سرگرمیاں طلبہ میں سیکھنے، تحقیق اور ہنر مندی کے رجحان کو فروغ دیتی ہیں جو وقت کی اہم ضرورت ہے۔یہ ایک میگا ایونٹ تھا جس میں ضلع اٹک کے مختلف اسکولوں کے طلبہ کے سائنسی منصوبوں کے علاوہ کالج کے طلبہ کے سائنس اور ٹیکنالوجی سے متعلق منصوبے بھی پیش کیے گئے۔ فیسٹیول میں فوڈ اسٹالز، فن فیئر، ٹیکنیکل ایجوکیشن آگاہی سیشن، پیٹ شو، بائیک شو اور انٹر ٹیکنالوجی ڈیکوریشن مقابلہ سمیت دیگر دلچسپ سرگرمیوں کا بھی اہتمام کیا گیا۔انٹر اسکول سائنسی مقابلے میں دی سٹی اسکول اٹک نے پہلی پوزیشن حاصل کی، جبکہ ضلع اٹک کے تقریباً 28 مختلف اسکولوں کے طلبہ و اساتذہ نے اس فیسٹیول میں شرکت کی۔تقریب کی سجاوٹ کے انتظامات تاج محل مارکی کی جانب سے کیے گئے، جبکہ سالانہ انعامات کی تقسیم کے لیے اٹس 4 یو موبائلز اور کوکو نے ایونٹ کو اسپانسر کیا۔شرکاء، اساتذہ اور طلبہ نے فیسٹیول کے انعقاد کو سراہتے ہوئے اسے سائنسی و فنی تعلیم کے فروغ کی جانب ایک اہم قدم قرار دیا۔