اٹک پولیس کا پتنگ فروشوں کے خلاف کریک ڈاؤن، 03 پتنگ فروش گرفتار، 245 پتنگیں اور متعدد دھاتی ڈوریں برآمد
تفصیلات کے مطابق تھانہ اٹک خورد پولیس کے سب انسپکٹر ولی محمد نے اپنی ٹیم کے ہمراہ دورانِ چیکنگ مسمی محمد تحسین ولد محمد مسکین سکنہ کامرہ کلاں تحصیل و ضلع اٹک سے مختلف سائز کی 130 پتنگیں اور متعدد دھاتی ڈوریں برآمد کر کے ملزم کو گرفتار کر لیا، اسی طرح تھانہ صدر حسن ابدال پولیس کے سب انسپکٹر تنویر احمد نے ہمراہ ٹیم دورانِ چیکنگ مسمی مبشر علی سے مختلف سائز کی 60 عدد پتنگیں اور متعدد دھاتی ڈوریں برآمد کر لیں جبکہ اسسٹنٹ سب انسپکٹر کامران علی نے ہمراہ ٹیم دورانِ چیکنگ مسمی عبدالرحمٰن سے 55 عدد پتنگیں اور متعدد دھاتی ڈوریں برآمد کرلیں،حکومتِ پنجاب کی جانب سے پتنگ اُڑانے اور پتنگوں کی خرید و فروخت پر عائد پابندی کی خلاف ورزی پر ملزمان کے خلاف کائٹ فلائنگ ایکٹ کے تحت مقدمات درج کر کے گرفتار کر لیا گیا۔