بٹگرام
ڈپٹی کمشنر بٹگرام اشتیاق احمد کی براہِ راست نگرانی میں ضلع بھر کے تمام مین روڈز کو ٹریفک کے لیے مکمل طور پر کھول دیا گیا ہے۔ حالیہ موسمی حالات کے باعث متاثر ہونے والی شاہراہوں کی بحالی کے لیے ضلعی انتظامیہ نے فوری اور مؤثر اقدامات کیے، جس کے نتیجے میں آمد و رفت کا نظام بحال ہو چکا ہے۔
اس کے ساتھ ساتھ ضلع کے مختلف علاقوں میں واقع لنک روڈز کی بحالی کا کام بھی تیزی سے جاری ہے۔ بھاری مشینری، متعلقہ محکموں اور فیلڈ اسٹاف کو متحرک کر دیا گیا ہے تاکہ دور دراز اور پہاڑی علاقوں تک عوام کی رسائی کو جلد از جلد ممکن بنایا جا سکے۔
روڈ کھولنے اور ٹریفک کی بحالی کے عمل میں ڈسٹرکٹ انتظامیہ اور ٹریفک پولیس نے بھرپور کردار ادا کیا۔ ٹریفک پولیس کی جانب سے سڑکوں پر ٹریفک کے مؤثر انتظام اور رہنمائی کے باعث شہریوں کو کسی قسم کی مشکلات کا سامنا نہیں کرنا پڑا۔
ضلعی انتظامیہ کا کہنا ہے کہ انشاءاللہ بہت جلد تمام لنک روڈز بھی مکمل طور پر بحال کر دیے جائیں گے، تاکہ عوام کو محفوظ، آسان اور بلا تعطل سفری سہولیات فراہم کی جائے گی