اٹک پولیس نے منشیات سمگلنگ کے خلاف مؤثر اور بروقت کارروائی کرتے ہوئے خیبر پختونخوا سے پنجاب منشیات سمگل کرنے کی ایک اور بڑی کوشش ناکام بنا دی۔ کاروائی کے دوران بین الصوبائی منشیات سمگلنگ میں ملوث دو ملزمان کو گرفتار کر کے بھاری مقدار میں منشیات برآمد کر لی گئی۔
تفصیلات کے مطابق سرچ پارک اٹک خورد کے مقام پر دورانِ ناکہ بندی پولیس ٹیم نے ایک تیز رفتار رکشہ کو روک کر تلاشی لی۔ تلاشی کے دوران رکشہ کی سیٹ کے نیچے باڈی کے اندر بنائے گئے خفیہ خانے سے 23 پیکٹ چرس برآمد ہوئے، جو وزن کرنے پر 27 کلو 600 گرام چرس ثابت ہوئی،گرفتار ملزمان کی شناخت عمر ولد بنات خان سکنہ صدہ چھتپر تحصیل سنٹرل کرم ضلع کرم اور امجد علی ولد میر رحمان سکنہ اکوڑہ خٹک ترلاندی تحصیل و ضلع نوشہرہ کے نام سے ہوئی۔ ملزمان کے خلاف انسدادِ منشیات ایکٹ کے تحت تھانہ اٹک خورد میں مقدمہ درج کر کے مزید تفتیش کا آغاز کر دیا گیا ہے۔
ڈسٹرکٹ پولیس آفیسر اٹک سردار موارہن خان نے کامیاب کارروائی پر پولیس ٹیم کو سراہتے ہوئے کہا کہ نوجوان نسل کو تباہی سے بچانے اور منشیات فروشی جیسے مذموم دھندے میں ملوث ضمیر فروش عناصر کے خلاف اٹک پولیس جہاد جاری رکھے ہوئے ہے اور ایسے ناسوروں کو جڑ سے اکھاڑنے کے لیے پُرعزم ہے۔ انہوں نے کہا کہ اٹک پولیس منشیات فروشوں اور سمگلرز کے خلاف زیرو ٹالرنس پالیسی کے تحت بلاامتیاز کارروائیاں جاری رکھے ہوئے ہے۔
ترجمان اٹک پولیس
اٹک پولیس کی بڑی کاروائی،بین الصوبائی منشیات سمگلنگ کی ایک اور بڑی کوشش ناکام، دو ملزمان گرفتار
BySyed Inam Ali Kazmi
Jan 10, 2026
By Syed Inam Ali Kazmi
میرا نام سید انعام علی کاظمی صحافتی میدان میں 2003 سے منسلک ہوں میں نے مختلف اخبارات کے ساتھ کام کیا اور گزشتہ 17-18 سال سے پاکستان کے ایک بڑے سرکاری ٹی وی چینل سے منسلک ہوں میرےتجربے میں مختلف موضوعات پر نیوز رپورٹنگ، بے شمار رپورٹس کی تیاری، اور پاکستان کی معروف سیاسی شخصیات کے انٹرویوز شامل ہیں۔ میرا تعلق ایک پڑھے لکھے خاندان سے ہے میرے والد پاکستان آرمی کے ریٹائرڈ میجر ہیں، اور والدہ بھی بہت زیادہ تعلیم یافتہ تھیں۔ علاوہ ازیں، میں روزانہ کی بنیاد پر مختلف موضوعات پر عوامی رائے اور معاشرتی مسائل پر ولاگ بناتا ہوں اور اپنا یوٹیوب چینل "انعام کاظمی ولاگ" اور ایک ٹک ٹاک اکاونٹ بھی ہے جہاں میں دلچسپ مواد شیئر کرتا ہوں