وزیراعلیٰ پنجاب کے ویژن اور آئی جی پنجاب کی ہدایات پر ضلع اٹک میں پینک بٹن نصب

وزیراعلیٰ پنجاب کے ویژن اور انسپکٹر جنرل آف پولیس پنجاب کی ہدایات کی روشنی میں ضلع اٹک میں پینک بٹن نصب کر دیے گئے ہیں، جن کا مقصد شہریوں بالخصوص خواتین کو ہنگامی حالات میں فوری مدد فراہم کرنا ہے،ضلع اٹک میں مجموعی طور پر 20 پینک بٹن نصب کیے گئے ہیں، جن میں سے 10 پینک بٹن تحصیل اٹک جبکہ 10 پینک بٹن تحصیل حسن ابدال میں نصب کیے گئے ہیں ۔

اس موقع پر ڈسٹرکٹ پولیس آفیسر اٹک سردار موارہن خان نے کہا کہ پینک بٹن کے ذریعے کسی بھی ہنگامی صورتحال، بالخصوص خواتین کو درپیش مشکلات کی صورت میں، پولیس فوری طور پر متحرک ہو سکے گی۔ اس نظام کے تحت شہریوں کو بروقت اور مؤثر امداد فراہم کی جائے گی جس سے عوام کے تحفظ اور اعتماد میں اضافہ ہوگا۔

ڈی پی او اٹک نے مزید کہا کہ خواتین کے تحفظ کو مزید یقینی بنانے کے لیے ضلع اٹک کے مختلف سکولوں، کالجز اور یونیورسٹیوں میں بھی مرحلہ وار پینک بٹن نصب کیے جا رہے ہیں تاکہ خواتین بلاخوف و خطر اپنے تعلیمی اور پیشہ ورانہ امور سرانجام دے سکیں۔انہوں نے شہریوں سے اپیل کی کہ اس سہولت سے فائدہ اٹھائیں اور کسی بھی ہنگامی صورتحال میں بلاجھجک پینک بٹن کا استعمال کریں۔
ترجمان اٹک پولیس