سابقہ رنجش پر شہری کا راستہ روک کر جان سے مارنے کی دھمکیاں دینے اور ہوائی فائرنگ کرنے والا ملزم گرفتار، اسلحہ برآمد

تفصیلات کے مطابق تھانہ انجراء میں مسمی البشیر محمد صالح ولد رئیس خان سکنہ چھب تحصیل جنڈ ضلع اٹک نے درخواست دی کہ میں مقصود گل اور سیف اللہ جان کے ہمراہ اپنی گاڑی پر چھب منڈی بازار جا رہا تھا، جب بالمقابل مسجد تقویٰ چھب پہنچا توایک سوزوکی والے نےسوزوکی میری گاڑی کے آگے لگا کر راستہ روک لیا،سوزوکی سے عابد سلیم اور اس کے چار ساتھی بامسلح نکلے اور للکارا مارا کہ آج تمہیں زندہ نہیں چھوڑیں گے،میرےساتھ گاڑی میں موجود مقصود گل اور سیف اللہ جان فوری طور پر گاڑی سے اتر کر ان کے سامنے آ گئے اور انہیں پیچھے ہٹایا، جس پر وہ ہوائی فائرنگ کرتے ہوئے اور مجھے جان سے مارنے کی دھمکیاں دیتے ہوئے اپنے گھروں کی طرف چلے گئےوجہ عنادمسمی عابد سلیم کی سابقہ بیوی سے شادی ہے،جس پر تھانہ انجراء پولیس نے فوری مقدمہ درج کیا اور ملزم عابد سلیم ولد محمد سلیم سکنہ چھب تحصیل جنڈ ضلع اٹک کو گرفتار کر لیا دورانِ تفتیش گرفتار ملزم کے قبضے سے اسلحہ بھی برآمد کر لیا گیا۔
ترجمان اٹک پولیس