کینڈا میں گولڈ مائن کے آپریشن جاری رہیں گے یا نہیں

انوائرمنٹل اسیسمنٹ آفس (EAO)  کینڈا -گولڈ مائن کے ماحولیاتی اسیسمنٹ سرٹیفکیٹ میں ترمیم کی منظوری دے دی ہے، جس کے تحت فورٹ سینٹ جیمز کے قریب واقع کان کو پیداوار بڑھانے اور 2035 تک آپریشن جاری رکھنے کی اجازت مل گئی ہے۔

EAO چیف ایگزیکٹو اسیسمنٹ آفیسر نے یہ فیصلہ تھامسن کریک میٹلز کمپنی انکارپوریشن کی درخواست پر EAO کے نو ماہ پر مشتمل جامع جائزہ مکمل ہونے کے بعد کیا۔ اس جائزے میں قریبی آبادیوں، فرسٹ نیشنز کمیونٹیز، پانی اور مچھلیوں کے مسکن، فضائی معیار، شور کے اثرات، حفاظتی خدشات، فرسٹ نیشنز کے حقوق اور مجموعی ماحولیاتی اثرات کا باریک بینی سے تجزیہ کیا گیا۔

یہ منصوبہ EAO کے ترجیحی (Priority) پروجیکٹس میں شامل تھا، اس لیے اس کی ماحولیاتی اسیسمنٹ کو وزارتِ مائننگ اینڈ کریٹیکل منرلز اور وزارتِ انوائرمنٹ اینڈ پارکس کی پرمٹ ریویوز کے ساتھ ایک ہی مشترکہ عمل میں یکجا کیا گیا۔ اس مربوط حکمتِ عملی کے باعث ریگولیٹری ادارے اپنی مہارت اور معلومات ایک دوسرے سے شیئر کرنے کے قابل ہوئے، غیر ضروری دہراؤ کم ہوا، اور صوبائی جائزے کے روایتی ٹائم لائن سے ایک سال سے زائد وقت کی بچت کی گئی، جبکہ ماحولیاتی تحفظ اور فرسٹ نیشنز سے مشاورت کے قانونی تقاضے مکمل طور پر برقرار رکھے گئے۔ متعلقہ پرمٹس کے حتمی فیصلے جلد متوقع ہیں۔

EAO رپورٹ کے مطابق، قانونی طور پر پابند شرائط کے نفاذ کے ساتھ کان کا تسلسل کسی بڑے نئے ماحولیاتی نقصان کا باعث نہیں بنے گا اور ممکنہ اثرات کو مؤثر طریقے سے کم کیا جا سکتا ہے۔

EAO ماحولیاتی سرٹیفکیٹ میں نئی شرائط بھی شامل کی ہیں تاکہ توسیع سے ماحول اور انسانی آبادی پر پڑنے والے اثرات کو بہتر طریقے سے مانیٹر اور کنٹرول کیا جا سکے، جن میں شامل ہیں

فرسٹ نیشنز کو ماحولیاتی مانیٹرنگ اور بنیادی ڈیٹا کلیکشن پروگرامز کی تیاری اور نفاذ میں شمولیت کا موقع فراہم کرنا

ٹرانسپورٹ روٹس کے اطراف جنگلی جانوروں کی ہلاکتوں کی نگرانی اور رپورٹنگ

کان کی بندش کے بعد دلدلی علاقوں (Wetlands) کی بحالی اور متبادل علاقوں کی تیاری کا منصوبہ

کمپنی کو پہلے سے موجود تمام ماحولیاتی حفاظتی شرائط اور تخفیفی اقدامات پر بھی مکمل عمل درآمد جاری رکھنا ہوگا، جن کے تحت پانی اور فضلہ مینجمنٹ، ڈیم سیفٹی، ہنگامی ردِعمل، اور فرسٹ نیشنز کے روایتی و ثقافتی استعمال کے حقوق کا تحفظ یقینی بنایا جاتا ہے۔ اگر پرمٹس جاری کیے گئے تو ان میں مزید شرائط شامل ہوں گی، جن کے ذریعے ویسٹ راک مینجمنٹ، زیرِ زمین اور سطحی پانی، فضائی اور صوتی آلودگی، حفاظتی پروٹوکول، کان کی بندش کے بعد پانی کے معیار، اور زمین کی بحالی جیسے معاملات کو بھی باقاعدہ کنٹرول کیا جائے گا۔

ماؤنٹ ملیگن مائن میں اس وقت تقریباً 600 افراد روزگار سے وابستہ ہیں۔ اگر باقی تمام حکومتی منظوریوں کی تکمیل ہو جاتی ہے تو کان کی توسیع سے تعمیراتی اور آپریشنل مراحل میں مزید ملازمتیں پیدا ہوں گی اور علاقے کو تقریباً 450 ملین ڈالر تک اضافی معاشی فائدہ حاصل ہو سکتا ہے۔

تھامسن کریک میٹلز کمپنی انکارپوریشن یہ کان فورٹ سینٹ جیمز سے تقریباً 90 کلومیٹر شمال مشرق میں چلاتی ہے۔ اس منصوبے کا ماحولیاتی سرٹیفکیٹ 2009 میں ایک تفصیلی ماحولیاتی جائزے کے بعد جاری کیا گیا تھا